Para este proxecto, as Pandereteiras do Ronsel buscaban algo máis que unha simple prenda de roupa; necesitaban unha identidade visual que trasladase a forza das súas actuacións a un soporte físico. O obxectivo era crear unhas camisetas que as representasen e as unificasen no escenario, fuxindo dos estereotipos habituais.

A nosa resposta foi unha ilustración personalizada a toda cor, sinxela pero moi resolutiva. O deseño captura a esencia do grupo en plena acción, cantando e tocando, cun estilo gráfico que achega modernidade sen perder a conexión coa tradición. O resultado é unha peza de deseño única que lles permite levar a súa música e a súa enerxía postas, fusionando a estética contemporánea coa alma do folclore.