En Ailae Estudio encargámonos do deseño da identidade visual de Miss Tradi, unha marca galega especializada en bordado ao aire e complementos para o traxe tradicional. O proxecto parte dunha visión clara: conectar a tradición galega coa actualidade a través dunha marca coidada, feminina e contemporánea.

O logotipo está composto por unha tipografía editorial elegante e sobria, acompañada dun símbolo xeométrico inspirado nas formas do bordado tradicional. O resultado é unha marca versátil, que transmite artesanía, herdanza e coidado polo detalle.

A identidade complétase cunha paleta cromática baseada en tons tradicionais do traxe galego, como o verde oliva, achegando personalidade, coherencia visual e vinculación co contexto cultural da marca.